Raimu, Jules
Frantses zinema antzezlea (Toulon, 1883 - Neully-sur-Seine, 1946). Okzitaniako kafe-antzokietan lortutako ospeari esker Parisa joanik, ahotsaz jokatzeko zuen trebetasunak eta lan komikoetarako indarrak zabaldu zizkioten Parisko antzokietako ateak lehenengo eta zinemakoak gero. Raimuren izena Pagnol-en trilogiari lotua geratu da: Marius (A. Korda, 1931), Fanny (M. Allegret, 1932) eta César (M. Pagnol, 1936).
