ostrazismo
iz. Estatuarentzat mehatxu izan zitezkeen hiritarrak erbesteratzeko antzina Atenasen eta Erroman erabiltzen zen zigor politikoa. v Hist. Atenasen, zigortu nahi zuten pertsonaren izena buztinezko ontzi pusketan, ostrakonetan, idazten zuten. Zigortutakoak hamar urtez utzi behar izaten zuen hiria. Erroman, berriz, zigortutakoak ondasunak eta gizarte maila galtzen zituen, zehaztu gabeko aldi batez (gehienetan, bizitza osorako).
