Loire

Frantziako erdi-ekialdeko departamendua, Rhône-Alpeseko eskualdean [42]. 4.799 km² eta 739.521 biztanle. Prefetura hiria: Saint-Etienne. Suprefetura hiriak: Montbrison eta Roanne. Departamenduaren erdialdean Loire ibaiak ureztaturiko bi haran daude (Forez eta Roanne). Forez mendiak mendebalean daude; Madeleine iparraldean, eta Vivarais eta Lyonnais mendiak hegoalde eta ekialdean. Ekonomia jarduera nagusiak nekazaritza (garia, garagarra, abere hazkuntza) eta industria (metalurgia, eraikuntza metalikoak, elektronikoa, ehungintza) dira.

• Loiola
• Loiolakoa, Inazio
• Loira
• Loire, Haute-
• Loire, Pays de la
• Loire
• Loire-Atlantique
• Loiret
• Loir-Et-Cher
• Loiti
• Loiu