Vosges
Frantziako ipar-ekialdeko mendialdea, Lorraineko goi-ordokiaren (mendebalean) eta Alsaziako ordokiaren (ekialdean) artean, Rhin ibaiaren mendebalean eta Mosela ibaiaren ekialdean. 120 km-z hedatzen da, Burgundiako atetik (hegoaldean) Saverneraino (iparraldean). Mendi garaiena Guebwiller da (1.424 m), Vosgesko mendialdearen hegoaldean. Baso trinkoa da ia mendialde osoa. Mendi garaienak elurrez estalita egon ohi dira urtean bederatzi hilabetez; garrantzi handiko turismo gunea da.
