ukiyo-e
(Eusk. “mundu iragankorreko irudiak”). XVIII-XIX. mendeetako arte japoniarraren korronte nagusia. Zur gaineko grabatuetan garaiko egunoroko bizitzari zegozkion eszenak islatzen ziren zenbait kolore erabiliz. Gehienbat antzezleak, emagalduak, kabuki antzerkiko eszena ezagunak eta eszena erotikoak irudikatzen ziren. XIX. mendean Europara iritsirik, eragin handia izan zuten abangoardiako pintore frantsesengan.
