San-Ch’ung
Taiwango iparraldeko hiria, Taipei-ko konderrian, Taipei-ko hiriaren mendebalean, Tan-shui ibaiaren eskuinaldean. 353.957 biztanle. Nekazaritza alor oparo bateko (arroza, azukre kanabera, tea) merkataritza gune garrantzitsua da eta industria (janari industria, nekazaritza eremurako makineria, kimika industria, ehungintza) eta lurpeko aberastasunen (ikatz meak) ustiapena dira ekonomia jarduera nagusiak. Burdinbide eta errepide gune garrantzitsua.
