Sanaga
Kamerungo ibai nagusia, Errepublika ekialdetik mendebalera igarotzen duena. 520 km. Adamaua mendietatik jaisten diren errekek osatua da, eta Edea-ko hiria zeharkatu ondoren Gineako golkoan isurtzen du ura, Ozeano Atlantikoan. Ur-jauzi ugari daude ibaiaren ibilguan zehar, indar etxeek indarra ekoizteko baliatzen dituztenak (Mbakaou eta Edeako urtegiak). Kamerungo bi departamenduri ematen die izena ibaiak: Sanaga Garaia (hiriburua, Nanga Eboko) eta Itsas-Sanaga (hiriburua, Edea).
