onagrazeo
izond. Bot. Mirtalen ordenako izen bereko familiako belar landareez eta zuhaixkez esaten da. 18 genero eta 640 landare mota biltzen ditu. Onagrazeo gehienak belarkarak dira; eta asko, uretan hazten direnak. Hosto bakunak dituzte, adarretan kokatzeko eraz, txandakakoak edo aurkakoak. Loreak hostoen oinean izaten dituzte; sexu bikoak edo sexu banakoak eta dioikoak izan daitezke. Estatu Batuetan eta Mexikon hazten dira, batez ere. Familia honetako landarerik ezagunena fuksia da.
