manba
iz. Zool. Ezkatadunen ordenako elapidoen familiako zenbait suge motaren izena. Suge pozoidunak dira, oso pozoi bizikoak batzuk. v Manba beltza (Dendroaspis polylepsis). Elapidoetan luzeena eta azkarrena, 4 m inguru luzea eta orduko 11 km-ko lastertasunez ibil daitekeena. Ezagutzen diren sugeetan pozoirik biziena duenetako bat da. Hegaztiak eta karraskariak jaten ditu. v Manba berdea. Beltza baino txikiagoa eta hark bezain pozoi bizia ez duena. Zuhaitzetan ibiltzen da, eta muskerrak, hegaztiak eta arrautzak jaten ditu.
