Europarako, Udaletarako eta Batzar Nagusietarako hauteskundeak 2019. Espainiako egoiliarren posta bidezko botoa-2019
Nork eman dezake botoa posta bidez Europako Parlamenturako eta udal-hauteskundeetan?
- Espainian bizi direnen hautesle-erroldan inskribatuta dauden Espainiako adindunek (CER).
- Espainian bizi den adindun izanik, Europar Batasuneko hiritartasuna dutenek; hau da, Europar Batasuneko 27 estatu kideetako bateko nazionalitatea izan eta Espainian bizi direnen hautesle-erroldan inskribatuta daudenek (CERE). Halakoetan, postaz bozkatu ahal izateko, identitatea egiaztatu behar da, interesdunaren sinadura eta argazkia duen bizileku-txartelaren bidez.
- (BAKARRIK 2019KO UDAL-HAUTESKUNDEETAN BOZKATUKO DUTE) Espainian bizilekua izanik, EBtik kanpoko herrialdeetako (Norvegia, Islandia, Bolivia, Ekuador, Txile, Peru, Kolonbia, Paraguai, Trinidad eta Tobago, Korea, Zeelanda Berria eta Cabo Verde) herritarrak diren adin nagusiko atzerritarrek, Espainian bizi diren atzerritarren hautesle-erroldan inskribatuta badaude (CERE). Halakoetan, postaz bozkatu ahal izateko, identitatea egiaztatu behar da, interesdunaren sinadura eta argazkia duen bizileku-txartelaren bidez.
Nork eman dezake botoa posta bidez batzar nagusietarako hauteskundeetan?
- Euskadiko edozein udalerritan bizi diren herritarrek, euskal herritartasun politikoa badute eta Espainian bizi diren hautesle-erroldan inskribatuta badaude (CER). (1/1987 Legea, batzar nagusietarako hauteskundeei buruzkoa, 4. artikulua).
Nola ematen da botoa posta bidez?
- Edozein Posta-bulegotan botoa eskatzea (HAOLO, 72. artikulua ).
- Hautesleak botoa emateko dokumentazioa jasotzea (HAOLO, 73.1 eta 2 artikuluak).
- Botoa hauteskunde-mahaira bidaltzea, Posta-bulegoetan ziurtagiriaren bidez (HAOLO, 73.3 eta 4 artikuluak eta 2019-05-16ko HBZren Erabakia
Zer epe daude posta bidez botoa emateko?
- Posta bidezko botoa eskatzea (apirilaren 2tik maiatzaren 16ra).
- Hautesleak botoa emateko dokumentazioa jasotzea, adierazitako helbidean (maiatzaren 6tik 19ra).
- Botoa hauteskunde-mahaira bidaltzea, posta ziurtagiriaren bidez (maiatzaren 6tik 24ra 14:00 ordu arte, 2019-05-09ko HBZren Erabakiaren arabera epea luzatu egin da).
Azken aldaketako data: