Watson, Tom
Estatubatuar golf jokalaria (1949). Munduko golf jokalari onenetako bat 1974-1980 bitarteko urteetan. 1971n egin zuen debuta profesional gisa eta 1974an lortu zituen bere lehenbiziko garaipenak. Hurrengo urteetan golfaren historiako garaipen sail handienetako bat eskuratu zuen: 40 garaipen, Estatu Batuetako zirkuituan gehienak, eta horien artean Gran Slameko zortzi: Britainia Handiko bost Ireki (1975, 1977, 1980, 1982 eta 1983), Augustako bi Master (1977 eta 1981) eta Estatu Batuetako Ireki bat (1982). 1977-1980 urteetan Estatu Batuetako zirkuituan aurrena izan zen, eta 1984ko Ryder Cup irabazi zuen estatubatuar taldearen buru izan zen.
