Voznesenszki, Andrei Andreievitx

Errusiar poeta (Mosku, 1933). Stalinismoaren ondoren sorturiko belaunaldiko idazle nagusietakoa izan zen; gazteen artean ospe handia lortu zuen, Errusiako errejimenarekiko zuen jarrera kritikoagatik batez ere. Haurtzaroan Ural mendietara erbesteratu behar izan zuen; gerrako bizikizunek eragin handia izan zuten bere obran. Gerra amaitu ondoren arkitektura ikasketak egin zituen, baina ikasketak egiten zituen bitartean olerkiak idazten hasi zen. Pasternak-i esker hasi zen bete-betean idazten; haren eraginaz gainera aipagarriak da Maiakovskik eta Shevtaevak Voznesenszkiren lanetan izan zutena. Lan liriko eta ironikoak idatzi zituen, metafora ugarikoak, oro har. Lan nagusiak: Mosaikoak (1960), Parabola (1961), Madari hirukia (1961), Hotsaren itzala bilduma (1970), Juno eta indi-oilarra komedia (1981).

• Vostok
• votiak
• Vouet, Simon
• Voyager 1
• voyeur
• Voznesenszki, Andrei Andreievitx
• Vrangel
• Vrchlicky, Jaroslav
• Vries, Adriaen
• Vries, Hugo de
• Vu Quangeko behia