Vienne
Frantziako mendebaleko departamendua [86], Poitou-Charentesko lurraldean. 7.023 km2 eta 371.428 biztanle. Prefetura hiria, Poitiers. Suprefetura hiriak, Châtellerault eta Montmorillon. Poitou Garaiko ordokiak hartzen du Vienneko departamendu osoa. Abere hazkuntza (behi eta ardi azienda) eta nekazaritza (barazkiak, fruitu arbolak, artoa) dira ekonomia jarduera nagusiak. Industriak (tresneria mekanikoa eta elektrikoa, ehungintza, armagintza) bigarren maila du Vienneko ekonomian.
