utilitarismo
iz. Fil. Pertsonak edo taldeak egiten duen ekintza ororen lehen hastapen moraltzat baliagarritasuna jartzen duen filosofia eskola, Jeremy Bentham-ek Ingalaterran hasia. Ekintza ororen xedea zoriontasuna lortzea dela hartzen du abiapuntutzat; oinarri horretatik abiatuz, pertsona banakoari izan dezakeen zoriontasun handiena dakarkion aukera da moralaren aldetik egokiena; eta orobat, gehiengoari zoriontasun handiena dakarkion aukera da gizarte ikuspegitik egokiena. Utilitarismoak XVIII. eta XIX. mendeetan izan zuen indarrik handiena filosofi dotrina gisa; Benthamez gainera, aipagarriak dira eskola honetako jarraitzaileen artean James Mill, John Stuart Mill eta Herbert Spencer. Eragin handia izan zuen bere garaiko ekonomiari buruzko ideietan.
- Utah
- Utamaro Kitagawa
- Uterga
- Utika
- utikan
- utilitarismo
- Utman ibn Affan
- Utman
- Utopia
- utopia
- utopiko
