Tripitaka
(“Hiru saskiak”). Budismoan hegoaldeko eskolen kanona osatzen duten liburuen zerrenda, zenbaitetan gutxiespenez Hinayana (“Bide txikia”) deitua. Tripitakan Budaren ondorengo 500 urteetan idatzitako liburuak jasotzen dira. Bi hizkuntzatan idatziak dira: paliz eta sanskritoz. Hiru multzotan banatzen dira: Vinaya pitaka (“Diziplinaren saskia”), Sutra pitaka (“Hitzaldien saskia”) eta Abhidarma pitaka (“Dotrina bereziaren saskia”).
