Tocantins
Brasilgo iparraldeko ibaia, Para ibaiaren adarra. 2.699 km. Goias estatuko erdialdeko goi-ordokian du iturburua, ibai txiki multzo baten bilgunean. Iparraldera egiten du, eta Goais eta Tocantins-eko estatuak igaro ondoren Tocantins eta Maranhao estatuen arteko muga eratzen du eta, Araguaia ibaiarekin batuta, Para ibaian isurtzen du ura. Atal txiki batzuetan baizik ezin da ontziz ibili, ur-laster eta jauzi ugari baitago ibaiaren ibilguan.
