shona
iz. Zimbabwe-ko ekialdean, Lundi ibaiaren iparraldean, bizi den herria, hizkuntzaz bantua. Zezuru, karanga, manyika, tonga-korekore eta ndau dira herri horretako tribu nagusiak. Laborariak dira (basartoa, artatxikia eta artoa lantzen dituzte) eta iaioak dira burdina lantzen, ontzigintzan eta musika alorrean. Erlijioa eta gizarte mailako erakundeak galtzen ari dira kristautasunaren eta mendenbaleko kulturaren aurrean.
