Saumur
Frantziako erdi-mendebaleko suprefetura hiria, Maine-et-Loireko departamenduan (Pays-de-la-Loire), Loira ibaiaren ertzean. 34.191 biztanle. Industria (janari industria, destilategiak, tresneria mekanikoa, kimika industria, ehungintza, eraikuntzarako gaiak) da ekonomia jarduera nagusia. Aipagarriak dira XII. mendeko Notre-Dame-de-Nantilly eliza, XII-XIII. mendeetako Saint-Pierre eliza, XVII. mendeko Notre-Dame-des-Ardilliers eliza, XIII-XV. mendeetako Saint-Nicolas eliza, XIV. mende bukaerako gaztelua (museoa gaur egun) eta XVI. mendeko udaletxea.
