Saint-Dizier
Frantziako ipar-ekialdeko suprefetura hiria, Haute-Marneko departamenduan (Champagne-Ardenne), Marne ibaiaren eta Saône ibaitik Marneraino luzatzen den ubidearen artean. 39.815 biztanle. Industria (janari industria, ehungintza, kimika industria, nekazaritzako makineria, tresneria mekanikoa) da ekonomia jarduera nagusia. Aipagarriak dira XIII. mendeko Saint-Martin de la Nene eliza berritua, XV-XVI. mendeetako Saint-Martin de Gigny eliza eta hiriko museoa.
