Saint-Denis
Frantziako iparraldeko hiria, Seine-Saint-Denis-ko departamenduan, Parisko hiriaren iparraldean, izen bereko ubidearen ertzean. 96.759 biztanle. Unibertsitatea. Oso industriagune garrantzitsua da: burdinbide gaiak, automobilgintza, nekazaritzako makineria, kimika industria, janari industria, tresneria elektrikoa eta mekanikoa eta gas ustiapena. Parte zaharrean daude hiriko monumenturik aipagarrienak: V. mendeko abatetxe baten gainean eraikitako Saint-Denis katedral gotiko-erromanikoa (erregeen nekropolia, hilobi karolingiar eta merovingiarrak, XIV. mendeko kaperak), Gérard-Philipe antzokia, eta arte eta historia museoa.
