Saint-Denis
Frantziako estatuaren administraziopean dagoen itsasoz harandiko Réunion departamenduko hiriburua, uhartearen iparraldean, Indiako Ozeanoaren ertzean, izen bereko ibaiaren bokalean. 109.168 biztanle. Unibertsitatea. Nazioarteko aireportua. Administrazio eta merkataritzagune garrantzitsua da. Industriak ere (tabakogintza, destilategiak, azukre findegiak) eragin handia du hiriko ekonomian.
