palma-olio
iz. Kim. Afrikaren mendebalean hazten den palmondo batetik lortzen diren triglizeridoen nahastura. Giro tenperaturan gantz itxurako solido horixka da. Sukoia da eta alkoholetan, eterretan, kloroformoan eta karbono disulfuroan urtzen da. Erabilera ugari ditu: xaboiak, kandelak, kosmetikoak eta lanabesentzako labaingarriak egiteko, eztainuaren ekoizpenean, eztainu urtua hozten ari den bitartean oxida ez dadin, bilgorraren ordez moldegintzan, kautxuaren ekoizpenean bigungarri gisa eta abar.
