oxazido

izond. Kim. Azido tipikoa, hau da, protoiak emateko gai den eta beren molekulan oxigenoa duena. Oxazidoak ez metalak eratzen dituzten oxidoei ura gehituz lortzen dira; esate baterako:      
           N₂O₅ + H₂O ® 2 HNO₃    
             SO₃ + H₂O ® H₂SO₄      
Erabili ohi diren oxazidoak ez dira izendegi ofizialaren arabera izendatzen; aurrizki eta atzizkien bidez, azidoa sortzen duen gai ez metalikoaren balentzia adierazten da. Adibidez: azido hipoklorosoa (HClO); azido klorosoa (HClO₂); azido klorikoa (HClO₃). Oxazido hauek dira garrantzitsuenak industriarako: sulfurikoa, (H₂SO₄), nitrikoa (HNO₃), eta fosforikoa (H₃PO₄). Kimika organikoan oxazido deitzen zaie beren molekulan, karboxiloaz gain -COOH sail oxhidriloa duten gaiei. Oxhidriloaren kokagunea alfa, beta eta gamma letra grekoz (a, b, g) edo zenbakiez adierazten da.

• oxala
• oxalato
• Oxalde Etxezuri, Joanes
• oxalidazeo
• oxaliko, azidoa
• oxazido
• Oxenstierna, Axel
• Oxford
• Oxford-eko higikundea
• oxhidriko
• oxhidrilo