Olaizola Etxeberria, Imanol
Gipuzkoar ikerlari eta politikaria (Donostia, 1920). Kimika ikasi zuen Salamancako Unibertsitatean eta Madrilen eskuratu zuen doktoregoa. 1979an Eusko Kontseilu Nagusiko Kultura Saileko zuzendari hautatu zuten, eta hurrengo uztailean Eusko Jaurlaritzakoa. 1976an, Aingeru Irigaray eta Agustin Zumalaberekin batera, Eusko Ikaskuntza abiaraztea eta indarberritzea lortu zuen. Jose Olaizola konpositore eta organo-jotzailearen semea da, eta musikaren alorrean, besteak beste, Maitea (1974) eta Easo (1977) abesbatzak zuzendu zituen; 1981ean Euskadiko Orkestra Sinfonikoaren bultzatzaileetako bat izan zen, baita haren aurreneko Lehendakaria ere 1982an. 1995ean Barandiaran Fundazioko Lehendakaritzaren ardura hartu zuen bere gain.
