Neckar
Alemaniako ibaia, Rhin-en eskuinaldeko adarra. 370 km. Oihan Beltzeko ekialdeko hegian sortzen da eta Baden-Württemberg zeharkatzen du. Mannheim inguruan Rhin-en isurtzen du ura. Neckar-en ibilgua ontziz ibili ahal izateko egokitu da, halako eran non 1.350 tonako ontziak Plochingen-eraino (Stuttgart-etik gora) iristen diren. Stuttgart gune nagusia duen Wurttenberg industria herriaren ardatza da.
