Nearko
Greziar itsasgizona, Kretan sortua (K.a. IV. mendea). K.a. 333an Alexandrok Lizia eta Panfiliako gobernari izendatu zuen. Gero (K.a. 326), greziar ontziteriako buru zelarik, Hydaspes (egun Jhelum) ibaia jaitsi zuen armadarekin; Eritrea eta Persiako Golkoko kostaldea ikertu zituen. Alexandro hil ondoren, Lizia eta Panfiliako satrapia eskuratu zituen. Antigono Monophthalmosen aliatua izan zen.
