Moreau, Jeanne
Frantses zinema antzezlea (Paris, 1928). Dotorezia eta hoztasuna bat eginik, berebiziko indarra eman die bere pertsonaiei, itxuraz kontraesanean dagoen nortasuna erakutsiz. Antzerki klasikoan ikasia zen. Haren lan nagusia J. Losey-ren Eva filmekoa (1962) da. 1990eko hamarraldian egin dituen filmen artean, hauek ditu aipagarrienak: Luc Besson-en Nikita (1990), Wim Wenders-en Munduaren azkeneraino (1991) eta Antonioniren Hodeietatik haratago (1996).
