manometro
iz. Fis. Isurkari edo gas baten presioa edo bi presioren arteko desberdintasuna neurtzeko erabiltzen den tresna, ontzi itxi batean sartutako isurkari edo gasen presioa neurtzeko erabiltzen dena bereziki. Manometro sinpleena U formako beirazko hodia da; manometroan dentsitate jakineko gai bat izaten da (zilar bizia gehienetan); manometroaren alde bat neurtu nahi den gaiaren ontziari lotzen zaio, hodiaren beste aldea zabalik uzten dela. Hodi barneko gaiak hodian iristen duen mailaren arabera neurtzen da presioa.
