Madre Occidental, Sierra
Mexikoko mendebaleko mendikatea, Estatu Batuetako Mendi Harritsuen jarraipena. Yaqui eta Lerma-Santiago ibaien arroen artean hedatzen da, ipar-mendebaletik hego-ekialdera. Mexikoko erliebearen bizkarrezurra da. 1.250 km da luze; batez besteko zabalera, 150 km; batez besteko garaiera 2.000 m. Gailur nagusiak Nevado de Colima (4.338 m) eta Cerro de Mohinora (3.958 m) dira. Meategiak daude, eta haranetan nekazaritzak ez du berebiziko garrantzirik.
