Madre del Sur, Sierra
Mexikoko hegoaldeko mendikatea. Bahia de Banderas-en (Ozeano Bareko kostaldean) hasi eta Tehuantepec istmoan amaitzen da, Colima, Michoacan, Guerrero eta Oaxaca estatuak zeharkatu ondoren. Ipar-mendebaletik hego-ekialdera luzatzen da 1.200 kilometrotan. Batez besteko zabalera 100 km-koa du eta batez besteko garaiera 2.000 m-koa; Teotepec da mendikateko gailur nagusia (3.703 m). Berun, zilar eta burdin meatzeak daude bertan.
