Khakasia
Errusiako lurralde autonomoa, Ienisei ibaiaren goiko arroan, Abakan ibaiadarraren arroan, Altai mendien iparraldean. Lurralde lehorra da, kontinente barruko klima oso gogorra duena. Landaredia beheko lurretan estepakoa da eta goiko lurretan basoa gehienbat. 61.900 km2. 523.000 biztanle. Biztanle gehienak errusiarrak dira (% 80 inguru). Jatorrizko biztanleak turko-mongoliaren taldeko bost leinu dira elkarren artean aski desberdinak: katxin, sagai, beltir, kizil eta koibal leinuak. Abere hazkuntzaz gainera, meatzaritza (kobrea, molibdenoa eta burdina) eta elektrizitate produkzioa dira aberastasun iturriak.
