iowa
iz. Etnogr. Ipar Ameriketako siux indiarren herri bateko kidea. Ehiza zen haien bizibide nagusia baina nekazaritzak ere garrantzi handia zuen beren ekonomian. Historiaurrean Aintzira Handien lurraldetik gaur egun Iowa-ko estatua den lurraldera aldatu ziren iowak. 1836an beren lurrak Estatu Batuetako gobernuaren eskuetan utzi zituzten eta erreserbetan hartu zuten bizitokia. Gaur egun 500 bat iowa baizik ez dira bizi Kansas-ko eta Oklahoma-ko erreserbetan.
