Euskararen tresnak

Lur hiztegi entziklopedikoa

Kultura eta Hizkuntza Politika Saila

Huder Lasala, Serafin

Nafar medikua eta politikaria (Iruñea, 1874 - Iruñea, 1962). Etxalarko eta Biurrungo sendagilea izan zen, Iruñeko Beneficencia delakoan hasi aurretik (1901). Nafarroako Alderdi Errepublikarreko lehendakaria zen Espainiako II. errepublika aldarrikatu zenean (1931). 1937. urtean kendu zuten mediku kargutik. Medikuntzako eta Iruñeko osasunari buruzko lan batzuk idatzi zituen: Tratamiento del Tracoma (1902), Plan general de higienización de las viviendas de Pamplona y medios de realizarlo en la práctica (1907) eta Desarrollo de Pamplona durante los últimos cien años. Su nupcialidad, su natalidad, su moralidad y su censo de población (1935).