hidrogenazio
iz. Kim. Asegabeko gai organikoetan edo hidrokarburo aromatikoetan hidrogenoa finkatzeko eragiten den erreakzio kimikoa, katalizatzaileen laguntzaz gehienetan (kobrea, nikela, paladioa, platinoa, oxidoak, sulfuroak). Hidrogenazio katalitikoa (Sabatier-ek eta Senderens-ek asmatua) oso erabilia da industrian petrolioaren, harrikatzaren, arrain olioen, harrikatzen olioen, cracking-etako esentzien eta abarren hidrogenazioan. Petrokimikan ere sarritan erabiltzen da hidrogenazioa, esaterako, kerosenoari eta gas-olioari sulfuroak kentzeko, parafinei kolorea eta usaina kentzeko, igurtzidura leuntzeko eta olioen karbono edukia gutxitzeko.
