goeldi
iz. Zool. Zebidoen familiako tximu platirrinoa (Callimico goeldii). Ameriketako tximurik bitxienetakoa da, kalitrizidoen eta zebidoen ezaugarriak baititu. Titi tximuen antz handia du. 20 cm inguru luze da, gaztaina kolorekoa. Zebidoek bezala, 36 hortz eta hagin ditu. Fruituak, hostoak eta animalia txikiak jaten ditu. Amazonas ibaiaren goialdeko oihanetan bizi da.
