García Villafranca, Marcelino
Nafar olerkaria (Zarrakaztelu, 1925). Apaiz ikasketak egin ondoan Uztarrozen jarri zen lanean eta erronkariera ikasi zuen. Erronkari txoriño bere lehen olerkia El Pensamiento Navarro aldizkarian eman zuen argitara. Agur eta Príncipe de Viana agerkarietan eman ditu argitara bere olerki gehienak. Aipaturiko azken aldizkariko euskara saileko zuzendaria izan da. Harenak dira, halaber, Anaitasuna, El último roncalés, Roncal ha resucitado, Roncalesa celestial eta Onki xin gare apez moitia obrak.
