Du Pré, Jacqueline
Britainiar biolontxelo-jotzailea (Oxford, Ingalaterra, 1945 - Londres, 1987). Biolontxelista aparta, Elgar Kontzertuaren jotzaile gisa ezaguna batez ere. 1967an Daniel Barenboim zuzendari eta piano-jotzailearekin ezkondu zen. Pinchas Zukerman biolin-jotzailea eta hirurek ganbera musikako kontzertuak eskaini zituzten. Bere karrera hogeita sei urterekin eten zen bat-batean, esklerosiak jota. Senarrarekin batera Esklerosirako Ikerkuntza Zentro bat zabaldu zuen.
