Ashrawi, Hanan
Palestinar politikaria (Ramallah, gaur egun Israelen mendeko Zisjordania, 1946). Ekialde Hurbileko bake negoziazioetako palestinar ordezkaritzaren eledun aritu zen, 1991z gero. Ashrawik Libanoko Beirut hiriburuko Amerikar Unibertsitatean ikasi zuen; handik laster, Ingeles Literaturako doktoregoa lortu zuen, Virginiako Unibertsitatean; literatura irakasle eta Arteetako Eskolako zuzendaria izan zen Israelgo Bir Zeit Unibertsitatean. Israelen aldeko libanoar kristau miliziek Libanoko palestinarrak sarraskitu ondoren ekin zion Ashrawik palestinarren izenean mintzatzeari. Erabat onetsi zuen Intifada, hots, Israelgo lurralde okupatuetako palestinarren matxinada, 1987 hasi zena.
