Arreta Soziosanitarioa

Dekretu honen bidez Aholku Batzordeei aplikatuko zaien araubidea ezartzen da, izaera aholku-emailea duena, Osasun sailburuak Euskadiko Osasun Plana 2002-2010 planaren barnean dauden lehentasunezko osasun jarduera-esparruentzat sortu duena.

Aholku Batzordeen funtzio nagusiak honakoak izango dira:

1. Osasun Sailarentzat interesgarri diren eta Osasun Planaren garapen eragingarria errazten duten helburuekin, estrategiekin, programekin eta jarduerekin zerikusia duten gaien berri ematea.

2. Osasuneko kasuan kasuko berariazko arloan esku-hartze programen lanketan proposamenak egin eta, hala behar bada, Osasun Sailarekin elkarlanean aritu.

3. Osasun Sailak osasun programei eta prozesu asistentzialei buruz egiten dituen ebaluazioen emaitzen berri eman, egoki ikusten diren eguneratze eta hobekuntza proposamenak formulatuz.

4. Jardunean dauden edo etorkizunerako aurreikusten diren ikerketa lerroen berri eman, baita bere esku hartze-eremuari dagozkion gaixotasunen diagnostikoan eta tratamenduan indar hartzen ari diren teknologien existentziaren berri ere.

1. – Osasuneko esku-hartze programak ondoko puntu hauei buruzkoak izango dira:

   1. Osasun Planaren helburu orokorren eta berariazkoen garapena, kasuan kasuko arlo espezifikoari dagokiona.

   2. Osasun Planean dauden eta kasuan kasuko arlo espezifikoari dagozkion estrategien garapena, populazio jarduera eta betetzeak proposatuz.

   3. Zerbitzuen beharren eta baliabideen identifikazioa osasun helburu operatiboak proposatuz, kasuan kasuko osasun arazoaren egitura-kalitatea, prozesua, antolaketa eta emaitzaren adierazle direnak.

   4. Ikerketa eta ebaluazioak proposatu, kasuan kasuko arlo espezifikoaren egoera hobeto ezagutzeko, izan dadin Autonomia Elkartean, Lurralde Historikoan, udalerrian edo osasun zerbitzuen antolakuntzan.

2. – Osasun sailburuordeak onetsiko ditu osasun esku-hartze programak.

Aholku Batzordeak barne araudiaren arabera eraenduko dira, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen II. tituluaren II. kapituluan oinarrizko gisa xedatutakoaren aplikazioa kaltetu gabe.

1. – Aholku Batzordea lehendakariak, idazkariak eta gehienez 18 kidek osatuko dute.

2. – Aholku Batzordeen osaeran zientzia-elkarteen eta osasunaren zientzietako espezialitateetako profesionalen ordezkariak, Osakidetza-Euskal Osasun Zerbitzuko osasun zerbitzuetako ordezkariak eta Osasun Saileko ordezkariak egongo dira.

3. – Aholku Batzorde bakoitzak erabakiko du, aztertu beharreko gaietan ospe handia duten eta beren ekarpenak interesgarritzat jotzen diren beste pertsona batzuk, egingo diren bileretara etorri eta beren jardueren garapenean kolaboratu ahal izatea.

4. – Aholku Batzordeek beren esparruko arloen eta gaien ikerketa eta trataera espezifikorako lan-taldeak eratu ahal izango dituzte.

1. – Aholku Batzordeen lehendakaria, idazkaria eta kideen izendapena Osasun sailburuak egingo du. Izendapenen iraupena bi urtekoa izango da, berriz hautatuak izan daitezkeelarik.

2. – 5.3 artikuluan aipatzen den kolaboratzaileen izendapena Osasun sailburuordeak egingo du dagokion Aholku Batzordeak proposatutakoa aintzat hartuta.

Aholku Batzordeetan parte-hartzeak eta 5.3 artikuluan aipatzen den kolaborazio-jardueren garapenak ez dute ordainsaririk izango, otsailaren 2ko 16/1993 Dekretuan, zerbitzuagatiko kalte-ordainei eta gainontzeko arau osagarri eta garapenari buruzkoa, aurreikusitako kopuruetan dieta edo kalte-ordainak jasotzea kaltetu gabe.

Aholku Batzordeen funtzionamendurako beharrezkoa den administrazio-laguntza Osasun Sailak eta Osakidetza-Euskal Osasun Zerbitzu publikoak emango du.