Orokorrean, Euskadi.eus-eko atari-sarean

Euskal Autonomia Erkidegoko Administrazio Orokorrean herritarrei arreta emateko eskumena duen organoari (hau da, Herritarrak Artatzeko eta Administrazioa Berritzeko Zuzendaritzari eta, horren barruan, Web Zerbitzuari) dagokio Interneteko presentzia-eredua zuzentzea, antolatzea, koordinatzea eta gainbegiratzea, eta, zehazki, honako eginkizun hauek, hargatik eragotzi gabe sailaren egiturari eta eginkizunei buruzko Dekretuan ezarritakoa:

• Printzipioak betetzen direla eta aplikatu beharreko araudia betetzen dela zaintzea, bai eta Interneteko presentzia-ereduaren eginkizun korporatiboak eta zeharkakoak ere.
• Atari korporatibo komuna (Euskadi.eus) eta haren atariak kudeatzea eta mantentzea, zeharkako funtzioei dagokienez, eta, duten izaeragatik, kudeaketa zentralizatua, horizontala eta integrala behar dutenak (euskadi.eus/webzerbitzuan argitaratutako atarien inbentarioan identifikatuko diren 1. motako atari horizontalak).
• Euskadi.eus domeinu nagusiaren barruan azpidomeinu eta ezizen berrien sorrera gainbegiratzea, onartzea eta koordinatzea, bai eta domeinu berrien erosketa onartzea ere.
• Atariak eta zerbitzuak sortzeko, aldatzeko eta ezabatzeko eta Euskadi.eus-en modu desegokian argitaratzeko baimena ematea.
• Arlo tematikoko atariak eta xede-publikoa zehaztea, eta, nolanahi ere, kasuan kasuko gaietan edo xede-publikoan eskumena duten sail, erakunde eta enteen parte-hartzea bermatzea.
• Atarien, Zerbitzuen eta Aplikazioen Sarearen Inbentarioa eta haren publizitatea egitea, eguneratzea eta onartzea, Euskadi.eus osatzen duten sail, erakunde eta enteen lankidetzarekin. Inbentario hori euskadi.eus/webzerbitzuan argitaratuko da.
• Interneteko presentzia-ereduaren elementu komunak eta horien irismena zehaztea; horiek kudeatzea eta behar bezala funtzionatzen dutela egiaztatzea. Aplikazio eta tresna korporatiboen kasuan, Euskal Autonomia Erkidegoko Administrazio Orokorrean informazioaren eta komunikazioaren teknologien arloko eskumena duen organoarekin koordinatu ondoren egingo da.
• Interneteko presentzia-ereduaren elementu komunen zerrenda etengabe eguneratuta argitaratzea euskadi.eus/webzerbitzua webgunean.
• Administrazio-organo eskudunek aldez aurretik eskatuta, eduki eta zerbitzu espezifikoetarako katalogazio-ardatz partikularrak baimentzea.
• Katalogazio-ardatz orokorren zerrenda modu eguneratuan kudeatu eta argitaratzea.
• Interneten egoteko ereduaren jarraibideak, jarraibideak eta eskuliburuak onartzea, eta, zehazki, eskainitako zerbitzuak hobetzeko web-zerbitzu eta -aplikazioenak.
• Atari Sarea eta Interneteko presentzia-eredua ebaluatzea eta auditatzea.
• Internet bidezko zerbitzu berriak bultzatzea eta sustatzea.
• IVAPekin batera, Euskadi.eus editoreak prestatzeko beharrezkotzat jotzen diren prestakuntza-ekintzen gauzapena eta edukia proposatzea eta koordinatzea.
• Sektore publikoko webguneen eta gailu mugikorretarako aplikazioen irisgarritasunari buruzko apirilaren 7ko 1112/2018 Errege Dekretuaren 16. artikuluan zehaztutako eginkizunak betetzea, Irisgarritasunaren Unitate Arduradun gisa, eta funtzionamendu-eredua definitzea eta argitaratzea.

Euskadi.eus, Eusko Jaurlaritza eta Sailen atarietan

• Atarien egitura, banaketa eta arau amankomunak zehaztea.
• Euskadi.eus-eko orrialde nagusiak, eduki horizontalak (gaiak, erabilerraztasuna, kontaktua...) eta Eusko Jaurlaritzaren ataria kudeatzea eta eguneratzea.
• Atari kudeatzailean txantiloiak sortzea eta kudeatzea
• Sail bakoitzak eskatuta, hasiera-orria, organigrama eta sailburuaren agurra eguneratzea.
• Orrialde eta ikus-eremu berriak sortzea.
• Baliabide amankomunak sortzea eta kudeatzea (irudiak, ikonoak, CSSak, JSak, eta abar).
• Web analitika kudeaketa: emaitzen jarraipena egin, eta sailak eskatzen badu txostenak sortzea edota saileko erabiltzaileentzako baimenak sortzea.
• Saileei laguntzea eta aholkularitza ematea.

Beste erakunde eta gaikako atarietan

• Atarien egitura, banaketa eta arau amankomunak zehaztea.
• Atari berriak sortzeko baimena ematea, eta Euskadi.eus-en zelan integratuko diren zehaztea.
• Web analitika: Web Zerbitzuak atari bakoitzaren analitika aktibatu eta baimenak ematea.
• Ataria kudeatzen eta eguneratzen dutenei laguntzea eta aholkularitza ematea.
• Web analitika kudeaketa: Kontuak eta propietateak sortzea eta Saila zein erakundeei baimenak ematea.

Intranetetan

• Eusko Jaurlaritzaren eta bere erakundeen intranet-eredua zehaztea eta kudeatzea.
• Intranet guztien atari nagusia (Jakina) sortzea eta eguneratzea.
• Beste intraneten egitura, banaketa eta arau amankomunak zehaztea.
• Atari kudeatzailean txantiloiak sortzea eta kudeatzea, Intranet berriak sortzen direnean Web Zerbitzuak ereduzko orrialde batzuk prestatuko ditu.
• Baliabide amankomunak sortzea eta kudeatzea (irudiak, ikonoak, CSSak, JSak, eta abar).
• Web analitika kudeaketa: emaitzen jarraipena egin, eta sailak edo erakundeak eskatzen badu txostenak sortzea edota saileko erabiltzaileentzako baimenak sortzea.
• Saileei eta erakundeei laguntzea eta aholkularitza ematea.

Zer ez du egiten Web Zerbitzuak?

• Ez du edukirik sortzen edo eguneratzen (ez badira Euskadi.eus-eko eduki horizontalak, organigramak edo sailburuaren agurra).
• Ez du orrialderik ezta ikus-eremurik eguneratzen (ez badira Euskadi.eus edo Jaurlaritzaren atarikoak edota Sailen hasiera-orriak)
• Ez du aplikaziorik garatzen ezta kudeatzen.
• Ez du zuzenean prestakuntzarik ematen.
• Ez du datu-baserik, zerbitzaririk edo azpiegitura informatikoaren elementurik kudeatzen.
• Ez du irudirik, bideorik ezta elementu multimediarik sortzen.
• Kontratatutako enpreseei ez die prestakuntzarik ematen.
• Ez du tresna komunen edo azpiegitura informatikoaren arazoak eta inzidentziak kudeatzen.

Nolanahi ere, aurreko arauetan salbuespenik egon daiteke, eta saila edota erakunde batek ez badu baliabide nahikorik Web proiektu edo atari bat sortzeko eta kudeatzeko, Web Zerbitzuak parte hartu dezake zeregin horietan (parte-hartze horren nondik-norakoak negoziatu eta erabaki beharko dira erakunde edo zuzendaritzen artean). Horrekin batera, laguntza behar duen sailak edo erakundeak behar diren neurriak hartuko ditu baliabide falta horri aurre egiteko: webgunea kudeatzeko arduradunak eta beharrezkoak diren lankideak izendatu, web kudeatzaile plazak sortu, prestakuntza eskatu, kanpo baliabideak kontratatu, eta abar.

Web Zerbitzuaren zereginen inguruan gehiago jakin ala zalantzarik izanez gero, jar zaitez harremanetan Web Zerbitzuarekin webzerbitzua@euskadi.eus helbidearen bidez.