Zaraitzu
Nafarroako ibaia, Irati ibaiaren ezkerraldeko adarra. Otsagabiatik hurbil sortzen da, Anduña eta Zatoia ibaien bilgunean, Abodi eta Baigura mendien azpian. 51,5 km luze da eta 533 km2-ko ibai arroa hartzen du. Hegoalderantz jo eta Nabaskozeraino heltzen da, izen bereko mendialdea saihesten du eta Arbaiungo arroilan barneratzen da ura, Irunberrira iritsi baino 2 kilometro lehenago, Irati ibaian ixurtzeko. Otsagabia, Eskaroze, Orontze, Espartza, Sartze, Gorza, Galoze, Nabaskoze, Romanzado eta Irunberriko udalerrietako lurrak ureztatzen ditu.
