Txi-Nan
Txinako ipar-ekialdeko hiria eta ibai portua, Shantung-eko probintziako hiriburua, T’ai Shan mendien iparraldeko oinetan, Huang Ho ibaiaren hegoaldean. 2.180.000 biztanle. Unibertsitatea. Burdinbide eta errepide gune garrantzitsua. Nekazaritza eremu aberatseko merkataritza (kotoia, laboreak, lekadunak, tabakoa) eta industria (tabakogintza, ehungintza, papergintza, eraikuntzarako gaiak, nekazaritzarako tresneria, kimika industria, altzairugintza, metalurgia, automobilgintza) dira ekonomia jarduera nagusiak.
