tximutx
iz. Zool. Panuridoen familiako txoria, 16 cm inguru luzea, gorputz sendoa eta isats luzea duena (Panurus biarmicus). Bizkarreko eta isatseko lumak gorrixkak izaten ditu, burukoak gris berdexkak eta papar-sabeletakoak gorri zurixkak. Begiaren azpian hiruki baten egiturako orban beltz bat izaten du arrak. Europako hego-ekialdean bizi da; kanabera artean ibiltzen da batez ere. Intsektuak eta belar hazia jaten ditu.
