tifoideo
izond. Med. Tifusak eragindako sindromeaz esaten da. v Sukar tifoideoa. Eritasun kutsakorra, Eberth-en baziloak (Eberthella typhy edo Bacterium typhosum) eragina. Hesteetan du eraginik handiena eta, larriagotuz gero, hesteetako hemorragiak eta hesteak zulatzea eragin ditzake. Sendagai nagusia kloromizetina (kloranfenikola) da. Sukar tifoideoak jotakoei, isurkariez eta urez osatutako dieta, ohean egotea, garbitasuna kontu handiz zaintzea, C bitamina, kafea eta kardiotonikoak agindu ohi zaizkie, sendagai nagusiaren lagungarri gisa.
