Seine-Maritime
(Antzina Seine-Inférieure). Frantziako ipar-mendebaleko departamendua, Normandia Garaiko eskualdean, Sena ibaiaren, itsasoaren eta Bray-ko eskualdearen artean hedatzen dena [76]. 6.341 km2 eta 1.193.039 biztanle. Prefetura hiria, Rouen. Suprefetura hiriak: Dieppe eta Le Havre. Caux-eko goi-ordokia hartzen du (200 m inguru), eta kostaldeak pikatuak eta malkortsuak dira. Nekazaritza (garia, garagarra, lihoa, bazkarako landareak, behi eta zerri azienda), arrantza eta industria (petrolio findegiak, ontziolak, tresneria elektriko eta mekanikoak, ehungintza, kimika industria, papergintza) dira ekonomia jarduera nagusiak.