Rodope
(Bulgarieraz, Rodopi; Gr. Rodhopi). Balkanetako penintsulako mendialdea, Bulgariako mendirik garaienak hartzen dituena (2.925 m Musala mendian), Marica eta Struma ibai-arroen artean. Hiru mendialde nagusi bereizten dira: Rila (2.500-2.925 m arteko gailurrak dituena), Pirin (2.915 m Vihrem mendiak) eta Rodope (2.000 m inguruko gailurrak). Oso baso trinkoek estaltzen dituzte mendialdeok eta oso aberatsak dira, halaber, lurpeko aberastasunak (burdin, berun eta zink hobiak). Rodopeko mendialdeak, bestalde, Greziako izen bereko nomoari ematen dio izena (2.543 km2 eta 107.957 biztanle; hiriburua, Comotini).
