psitazido
izond. Zool. Psitaziformeen ordenako izen bereko familiako hegaztiez esaten da. Janaria hartzeko atzapar egokiak dituzte psitazidoek. Moko okerra eta lodia dute, mihia lodia eta mugitzeko erraztasun handia duena, eta hankak motzak. Lumak kolore askotakoak dituzte (horiak, urdinak, berdeak eta gorriak, batez ere). Papagaia, kakatua, perikitoak-eta psitazidoen familiakoak dira.
