poloniera
iz. Poloniako hizkuntza, hizkuntza indoeuroparren saileko eslaviar hizkuntzetakoa, gaur egun Poloniako hizkuntza ofiziala dena. Txekieratik, latinetik, alemanetik eta beste zenbait hizkuntzatatik hartutako hitz asko ditu; alfabeto modernoa XVI. mendekoa da; poloniera estandarra Polonia ekialdeko polonieraren dialektoetan oinarritua da. Sei dialekto nagusi bereizten dira baina batetik bestera ez da desberdintasun handirik; gaur egun poloniera batua da nagusi. Polonieraren lehen aztarnak 1136. urtean latinez idatzitako Inozentzio II.a Aita Santuaren bulda bateko izenak dira; idatzi zaharrenak, erlijiozkoak, XIV. mendekoak dira.
