Pickwick-en sindrome
Med. Arnasketa eta zirkulazio sintomen multzoa, gehiegizko loditasunarekin zerikusia duena. Charles Dickens-en Pickwick Papers-en lanean agertzen den pertsonaia aurpegi gorri eta gizenetik du izena. Sintoma nagusiak arnas egiteko nekea eta logura dira. Gerta daiteke, bestalde, azalak kolore urdinxka hartzea, bihotzaren taupadak areagotzea, odolaren presioa igotzea, gibela handitzea, eta globulu gorrien kopurua ohi ez bezala gehitzea. Sendabidea argaltzea da.
