Permeke, Constant
Flandestar margolaria eta eskultorea (Anberes, 1886 - Jabbeke, Brujas, 1952). Brujas eta Ganteko akademietan egin zituen margolaritza ikasketak. 1909an Laethem-Saint Martinen jarri zen bizitzen eta Laethem-Saint Martingo bigarren eskola espresionista sortu zuen Servaes, Fritz Van den Berghe eta Gustave eta Léon de Smetekin batera. Lehen Mundu Gerran zauri larriak egin zizkioten, eta Ingalaterrara eraman zuten. 1919an itzuli zen Flandesera. Pintura eta marrazkia landu zituen; gizonarekiko interes handia erakusten du bere obretan. 1935etik aurrera eskultura ere landu zuen, emakumeak biluzik, bereziki.
